Easter orange cake with lemon icing

Mahitaji

·        150g za unsalted butter

·        150g Sukari

·        200g unga wa ngano

·        Mayai 3

·        Chungwa 1 kubwa, maganda na juisi yake tu.

Kwa ajili ya kupamba

·        Limao 1 kubwa, maganda na juisi yake tu.

·         Icing sugar 175g    

Jinsi ya kuandaa

1.     Changanya Butter, sukari,  na mayai, piga pamoja hadi viwe laini kabisa. Ongeza unga na changanya tena vizuri.

2.     Weka yale maganda ya machungwa na juisi ya machungwa kwenye huo mchanganyiko, kisha koroga hadi vichanganyike vizuri.

3.     Weka mchanganyiko wako kwenye chombo cha kuokea( na kumbuka kuweka mafuta kidogo kwenye hicho chombo ili keki yako isishike chini). Sawazisha juu vizuri ili upate level moja. Oka kwa dakika 30 au hadi uone keki yako imenyanyuka na imekuwa na rangi ya dhahabu, na ukiishika inakuwa ngumu na imekaza, kama unatumi jiko la umeme weka moto wa 180C au kama ni la mkaa ni kiasi ambacho utaona kinafaa. Acha keki yako ipoe kwa dakika 5-10, kisha itoe na uiweke kwenye sehemu nzuri, kavu na salama, wakati inasubiri kupambwa.

4.     Sasa changanya icing sugar na maganda ya limao ( acha kidogo kwa ajili ya kupamba juu ya keki) na juisi ya limao pamoja. piga hadi iwe laini na nyepesi kiasi. Kwa kutumia kisu cha kupambia au chochote kitakacho faa, sambaza mchanganyiko huo juu ya keki na acha udondoke pembeni mwa keki acha itulie vizuri. Sasa weka yale maganga yaliyobaki na urembo mwingine wa pasaka hasa mayai( kama yale tuliyojifunza hapo nyuma).

Hapa keki yako iko tayari kuliwa. Inafaa kuliwa wakati wowote na watu wa rika zote. Unaweza kula na juisi, chai, maziwa, soda au kahawa. 

.......karibu sana.....